एजेन्टबाट विराटनगर भन्सारको काम ठप्प, राजश्व उठेन

विराटनगरः एजेन्टले पेनडाउन गर्दै विराटनगर भन्सारको काम

भिडियो हेर्न तलको बक्समा क्लिक गर्नुहोस !

Advertisement

ठप्प बनाएका छन् ।

भन्सार कार्यालयको काम कारवाही प्रभावित हुने गरी उनीहरु आन्दोलित बनेका हुन् ।
हिजोबाट पेनडाउन गर्दै एजेन्टहरु आन्दोलनमा उत्रिएका हुन् ।

भन्सार जाँचपास भएर पठाइएका सामान चेकजाँचका नाममा प्रहरीले दुःख दिएको भन्दै एजेन्टहरुले आन्दोलन सुरु गरेपछि भन्सारको काम कारवाही हिजैदेखि प्रभावित बनेको हो । भारतबाट आएका र भारततर्फ जाने मालबहाक सवारी साधनको जाँचपासका सबै काम कारवाही ठप्प रहेको भन्सार प्रमुख कृष्ण बस्नेतले बताउनु भयो । कम परिणामको सामानको जाँचपास गरेर त्यही अनुरुप कागजात मिलाउँदै बढी परिणामको सामान पठाउने धन्दा सुरु गरेपछि प्रहरीले कडाई गरेको थियो ।

यसमा भन्सारका एजेन्ट, कर्मचारी र सामान ढुवानीकर्ताको संलग्नता छ । बढी परिणामको सामान कटाउन थालेसंगै प्रहरीले  मालबहाक सवारी साधन धमाधम नियन्त्रणमा लिंदै कारवाही अघि बढाउन थालेपछि एजेन्टहरु विरोधमा उत्रिएका हुन् । स्रोतले भन्यो, ‘आन्दोलनका नाममा सिधै तस्करी गर्न पाउनु पर्यो भन्ने भन्सार एजेन्टको आसय हो ।

त्यसरी कम परिणामको जाँचपास गरेर बढी परिणामको सामान पठाउन पाइँदैन ।’ मोरङ प्रहरी प्रमुख एसपी सन्दीप भण्डारीले भने कानुन विपरित हुने कुनैपनि काममा सम्झौता गर्न नसकिने बताउनु भयो ।