ज्वाई-जेठान मिलेर रामप्रसादको हत्या

भिडियो हेर्न तलको बक्समा क्लिक गर्नुहोस !

Advertisement

चन्द्रकान्त खनाल
रुपन्देही २६ फागुन -रुपन्देहीको सैनामैनामा ज्वाइ–जेठान मिलेर एक जनाको हत्या गरि खोलामा लगेर फालेका छन् । हत्यामा संलग्न रहेको आशंकामा इलाका प्रहरी कार्यालय बुटवलले २ जनालाइ सार्बजनिक गरेको छ ।

फागुन २४ गते बेलुका उनको कुटपिट पछि हत्या गरि फालिएको अबस्थामा २५ गते बिहान ९ बजे प्रहरीले अनुसन्धानका क्रममा एक जनाको शब फेला पारेको थियो ।  सैनामैना  १३ समावेशी टोल पूर्वमा रहेको दानव खोलामा सैनामैना ५ सदबदरा बस्ने गरिब थारुका छोरा ३६ वर्षीय रामप्रसाद थारुको शव भेटिएको थियो ।

घटनामा संलग्न रहेको आशंकामा सैनामैना नगरपालिका १ बस्ने २५ बर्षिय दिनेश कवर र बुटवल उपमहानगरपालिका १८ बस्ने बर्ष २४ का हरिनारायण चौधरी (दिनेश कुवरका बहिनी ज्वाइ)लाइ प्रहरीले पक्राउ गरेको छ । उनीहरुले प्रहरीसंगको बयानमा हत्या गरेको स्वीकार गरेको जिल्ला प्रहरी प्रमुख प्रहरी उपरिक्षक बुद्धिराज गुरुङले बताए ।

घटनाको कारण के थियो

मृतक रामप्रसाद चौधरी र अभियुक्त दिनेश कवरकी आमा बिच फागुन २१ गते  सैनामैना १ मा मैलु चौधरीको बिबाहमा दिउसो नाच्ने क्रममा चिनजान भएको थियो । चिनजानपछि उनीहरुबिच फोन सम्पर्क भएको भएको समेत खुलेको छ  । फागुन २५ गते बुटवल १८ मा हरिनारायणकी श्रीमतिको जन्मदिनमा सहभागि भइ राती नै घरमा ताल्चा नलगाएको भनेर उनी घर फर्केकी थिइन् । दिनेशकी आमा र रामप्रसादबिच फोन भएको थाहा पाइ राती ९ बजे दिनेश आफ्नो घरमा पुग्दा आफ्नी आमा र रामप्रसाद कोठामा बसेको देखेपछि दिनेशले सहन सकेनन् ।

दिनेशले त्यहिबखत रामप्रसाद र आफ्नै आमालाइ कुटपटि गरेका थिए । रामप्रसाद भागेपछि लौराले हान्दा बारीमा ढलेका थिए । ढलेपछि दिनेश र हरिनारायण चौधरी मिलेर एटलस साइकलमा राखेर करिब साढे २ किलोमिटर टाढा रहेको दानव नदिमा लगेर मारेर फालेका थिए ।

अभियुक्त दिनेश सैनामैना १ बर्माडाडा निबासी सोहननाथ कवरका छोरा हुन् ।उनी ट्याक्टर चालक हुन् भने हरिनारायण भने घरबनाउने मिस्त्री काम गर्ने गर्दथे । उनी रोजगारीका लागि कतार जान ठिक्क थिए । उनको भिसा समेत आइसकेको इलाका प्रहरी कार्यालय बुटवलका प्रहरी नायव उपरिक्षक महेन्द्र खड्काले बताए । घटनाबारे थप अनुसन्धान भइरहेको प्रहरीले बताएको छ ।

रुपन्देहीको सैनामैनामा श्रृङ्खलाबद्ध ३ जनाको हत्या

जिल्लाको सैनामैनामा गत २ महिनाको अबधिमा ३ वटा हतयाका घटना  भएका छन् । घटनाबारे प्रहरीले चासो बढाएको र अनुसन्धान जारी राखेको बताएको छ ।
खगेश्वर काफ्ले हत्याका अभियुक्त सार्बजनिक भैसकेका छन् चने रामप्रसाद चौधरीको हत्यामा संलग्न पनि प्रहरीले सार्बजनिक गरिसकेको छ ।
अर्काे बनकट्टा निबासी चुरे अर्यालको हत्याको बिषयमा भने प्रहरीले थप अनुसन्धान जारी राखेको प्रहरी नायव उपरिक्षक महेन्द्र खड्काले बताए ।